buton ke dil mein hamaari kuchh ab hui hai jagah — Rasheed Lakhnavi

sabhon ki aa gai piiri jo tum javaan hue
zamin kaa dil huaa miTTi kham aasmaan hue

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

hans hans ke kah rahaa hai jalaanaa savaab hai
zaalim ye meraa dil hai charaagh-e-haram nahin

gae the hazrat-e-zaahid to zard thaa chehra
sharaab-khaane se nikle to surkh-ru nikle

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ishq kaa tiir dil mein laagaa hai
dard jo hovtaa thaa bhaagaa hai

ai be-khudi-e-dil mujhe ye bhi khabar nahin
kis din bahaar aai main divaana kab huaa

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

hasraton kaa dil se qabza uTh gayaa
ghaasibon ki hukmraani khatm hai