nai fazaa mein nai dosti panap na saki — Razzaq Arshad

hue khatm cigarette ab kyaa karein ham
hai pichhlaa pahar raat ke do baje hain

jab ki pahlu se yaar uThtaa hai
dard be-ikhtiyaar uThtaa hai

kaanTe se bhi nichoD li ghairon ne bu-e-gul
yaaron ne bu-e-gul se bhi kaanTaa banaa diyaa

main kisi aur hi aalam kaa makin huun pyaare
mere jangal ki tarah ghar bhi hai sunsaan miraa

tazkira dehli-e-marhum kaa ai dost na chheD
na sunaa jaaegaa ham se ye fasaana hargiz

ik taraf pyaar hai rishta hai vafaadaari hai
aur in sab mein hi us gham ki taraf-daari hai

vafaa ki aaD mein kyaa kyaa hui jafaa ham par
jo dosti yahi Thahri to dushmani kyaa hai