ik taraf pyaar hai rishta hai vafaadaari hai — Amit Sharma Meet

hijr ke baa'd ye socho ki kahaan jaaoge
ham to mar jaaeinge vaise bhi hamaaraa kyaa hai

ghalat-fahmiyaan 'mit' rakkho na dil mein
vahi sach nahin jitnaa tum ne sunaa hai

lagaayaa hai dil bhi to patthar se main ne
miri zindagi ki yahi ik khataa hai

khvaab mein us se roz milaa kartaa thaa 'mit'
lekin sach mein nahin milaa so zinda huun

hamaaraa hijr bhi ab masala ban
zamaane mein uchhaltaa jaa rahaa hai

kai din se sharaarat hi nahin ki
mire andar kaa bachcha laapata hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

zulfon mein to sadaa se ye kaj-adaaiyaan hain
aankhon ne par ye aur hi aankhein dikhaaiyaan hain

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

shab-e-furqat hai Thaharte nahin shoale dil mein
taara TuuTaa ki miri aankh se aansu TuuTaa