main akelaa huun tu bhi tanhaa hai — Sabir Adeeb

is qadar unchi hui divaar-e-nafrat har taraf
aaj har insaan se insaan ki paziraai gai

tilism TuuT gayaa shab kaa main bhi ghar ko chalun
rukaa thaa jis ke liye vo bhi ghar gayaa kab kaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

tu koi gham hai to dil mein jagah banaa apni
tu ik sadaa hai to ehsaas ki kamaan se nikal

kisi ke lauTne ki jab sadaa suni to khulaa
ki mere saath koi aur bhi safar mein thaa

hanste hue chehron se hamein hoti hai vahshat
ham log udaasi ke shajar DhunD rahe hain