tire kuche ki miTTi baa-vafaa hai — Salman Saeed

kisi bhi darja ri'aayat nahin hai vahshat mein
bichhaD ke us se tumhein qahqahe lagaane the

manaayaa jaa rahaa hai gham tumhaaraa
puraani film dekhi jaa rahi hai

hamaare khel ki guDiyaa tumhi ho
tumhaare khel kaa guDDaa nayaa hai

khuun se mazlum ke ho to gae raushan charaagh
raushni aisi hui phir shahr andhaa ho gayaa

faqat ye lakDi nahin hai tumhaari baisaakhi
shajar ke haath kaTe hain ise banaane mein

'ajib Dhang se mujh ko mili hai aazaadi
parinda pinjre mein pinjra havaa mein rakkhaa gayaa

aashnaa bevafaa nahin hotaa
bevafaa aashnaa nahin hotaa

sarak ai mauj salaamat to rah-e-saahil le
tujh ko kyaa kaam jo kashti miri tufaan mein hai

gar ye aansu hain to laakh aaveinge dariyaa josh mein
gar ye aankhein hain to dikhlaaveingi tufaan saikaDon

saabit tu rah jafaa pe main qaaem vafaa pe huun
main apni baan chhoDun na tu apni aan chhoD

mujh se tu puchhne aayaa hai vafaa ke maani
ye tiri saada-dili maar na Daale mujh ko

'ghaalib' hamein na chheD ki phir josh-e-ashk se
baiThe hain ham tahayya-e-tufaan kiye hue