sirf kahne ko hai nai duniyaa — Sandeep Gupte

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

hamein qubul nahin chhoTaa munh baDi baatein
misaal bante hain aur phir misaal dete hain

jab bhi kashti bhanvar mein aai hai
ik du'aa bhi asar mein aai hai

jahaan pe khatm huaa karti hain khirad ki hadein
vahin se asl mein hotaa hai dil kaa kaam shuru'