jab bhi kashti bhanvar mein aai hai — Sandeep Gupte

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

hamein qubul nahin chhoTaa munh baDi baatein
misaal bante hain aur phir misaal dete hain

sirf kahne ko hai nai duniyaa
vo hi dastur hai vahi duniyaa

jahaan pe khatm huaa karti hain khirad ki hadein
vahin se asl mein hotaa hai dil kaa kaam shuru'

ye naqsha hai ki munh takne lagaa hai muddaaa meraa
ye haalat hai ki surat dekhtaa hai muddai meri

shabnam ki jagah aag ki baarish ho magar ham
'mansur' na maangeinge duaa aur tarah ki

na dekh mujh ko mohabbat ki aankh se ai dost
miraa vajud miraa muddaaa na ho jaae

'aazurdaa' mar ke kucha-e-jaanaan mein rah gayaa
di thi duaa kisi ne ki jannat mein ghar mile

bole vo muskuraa ke bahut iltijaa ke baad
ji to ye chaahtaa hai tiri maan jaaiye

be-rukhi dekh ab zamaane ki
muddaaa kyuun zabaan se niklaa