tu nahin to tiraa khayaal sahi — Saqi Amrohvi

kitne hi gham nikharne lagte hain
ek lamhe ki shaadmaani se

zindagi bhar mujhe is baat ki hasrat hi rahi
din guzaarun to koi raat suhaani aae

madrasa meraa meri zaat mein hai
khud moallim huun khud kitaab huun main

dar-ba-dar hone se pahle kabhi sochaa bhi na thaa
ghar mujhe raas na aayaa to kidhar jaaungaa

mujh ko kyaa kyaa na dukh mile 'saaqi'
mere apnon ki mehrbaani se

mein ab tak din ke hangaamon mein gum thaa
magar ab shaam hoti jaa rahi hai