muddat hui us ko ki miri khalvat-e-shab mein — Sardar Khan Soz

kahne pe mire aao mire paas to baiTho
vo un ke bigaDne ki adaa yaad hai ab tak

shaanon pe mire vasl ki shab khaas adaa se
rahti thi tiri zulf-e-rasaa yaad hai ab tak

kyaa usi kaa naam hai raanaai-e-bazm-e-hayaat
tang kamra sard bistar aur tanhaa aadmi

maidaan mein akelaa nihatthaa khaDaa thaa main
dushman ko meri nekiyaan lashkar dikhaai diin

tu chale saath to aahaT bhi na aae apni
darmiyaan ham bhi na hon yuun tujhe tanhaa chaahein

baat ye hai ki baat koi nahin
main akelaa huun saath koi nahin

log phirte hain bhare shahr ki tanhaai mein
sard jismon ki salibon pe uThaa kar chehre

jiyaa huun umr bhar main bhi akelaa
use bhi kyaa milaa naaraazgi se