kyaa usi kaa naam hai raanaai-e-bazm-e-hayaat — Chandrabhan Khayal

vaqt aur haalaat par kyaa tabsira kiije ki jab
ek uljhan dusri uljhan ko suljhaane lage

nazar mein shokh shabihein liye hue hai sahar
abhi na koi idhar se dhuaan dhuaan guzre

sochtaa huun to aur baDhti hai
zindagi hai ki pyaas hai koi

apni divaaron se kuchh baahar nikal
sirf khaali ghar ke baam-o-dar na dekh

shahr mein jurm-o-havaadis is qadar hain aaj-kal
ab to ghar mein baiTh kar bhi log ghabraane lage

paas se dekhaa to jaanaa kis qadar maghmum hain
an-ginat chehre ki jin ko shaadmaan samjhaa thaa main

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ruuh se lipTe dard ke manzar
TuuT rahe hain zakhm ke paikar

kitne yaar hain phir bhi 'munir' is aabaadi mein akelaa hai
apne hi gham ke nashshe se apnaa ji bahlaataa hai

ab na vo zauq-e-vafaa hai na mizaaj-e-gham hai
hu-ba-hu garche koi teri misaal aayaa thaa