baat ye hai ki baat koi nahin — Naeem Raza Bhatti

is ko main inqalaab kahtaa huun
ye jo inkaar ki fazaa se uThaa

pas-e-parda bahut be-pardagi hai
bahut bezaar hai kirdaar apnaa

ye tamaashaa-e-ilm-o-hunar dosto
kuchh nahin hai faqat kaaghzi vahm hai

apni be-e'tidaaliyon ke sabab
main agar baDh gayaa huaa kam bhi

umr bhar rashk-e-adu saath thaa kahtaa kyaa haal
vo milaa bhi kabhi tanhaa to main tanhaa na huaa

kaun tanhaai kaa ehsaas dilaataa hai mujhe
ye bharaa shahr bhi tanhaa nazar aataa hai mujhe

jab dhuup sar pe thi to akelaa thaa mein 'obaid'
ab chhaanv aa gai hai to sab yaar aae hain

main apni maut se khalvat mein milnaa chaahtaa huun
so meri naav mein bas main huun naakhudaa nahin hai

mujh ko tanhaaiyon ne maaraa hai
bhiiD dekho mire janaaze ki

ai dost mohabbat ke sadme tanhaa hi uThaane paDte hain
rahbar to faqat is raste mein do gaam sahaaraa dete hain