log phirte hain bhare shahr ki tanhaai mein — Naseer Ahmad Nasir

havaa gum-sum khaDi hai raaste mein
musaafir soch mein Duubaa huaa hai

jab pukaaraa kisi musaafir ne
raaste khaaiyon mein chikh uThe

falsafe saare kitaabon mein ulajh kar rah gae
dars-gaahon mein nisaabon ki thakan baaqi rahi

khamoshi jhaankti hai khiDkiyon se
gali mein shor saa phailaa huaa hai

raat bhar khvaab dekhne vaale
din ki sachchaaiyon mein chikh uThe

mohabbat ke Thikaane DhunDhti hai
badan ki laa-makaani mausamon mein

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

ek ik lamhe mein jab sadiyon ki sadiyaan kaT gaiin
aisi kuchh raatein bhi guzri hain miri tere baghair

ashk-e-gham-e-ulfat mein ik raaz-e-nihaani hai
pi jaao to amrit hai bah jaae to paani hai