duur tak phailaa huaa paani hi paani har taraf — Shabab Lalit

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

ranjishein aisi hazaar aapas mein hoti hain dilaa
vo agar tujh se khafaa hai tu hi jaa mil kyaa huaa

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa