bus mujhe be-vafaa keh dijiye mar jaaungi — Shabeena Adeeb

mujhe dekhnaa hai kis se miraa shahr hogaa raushan
vo makaan jalaa rahe hain main diye jalaa rahi huun

raat din aap charaaghon ko jalaate kyon hain
ghar charaaghon se nahin pyaar se raushan hogaa

haal kyaa dil kaa hai izhaar se raushan hogaa
yaa'ni kirdaar to kirdaar se raushan hogaa

koi shikva koi gila de de
mujh ko jiine kaa hausla de de

zakhm detaa hai har koi 'tanhaa'
hausla bhi diyaa kare koi

fazaa mein guunj rahi hain kahaaniyaan gham ki
hamin ko hausla-e-sharh-e-daastaan na rahaa

nahin maalum kitne ho chuke hain imtihaan ab tak
magar tere vafaadaaron ki himmat hai javaan ab tak

lazzat-e-gham to bakhsh di us ne
hausle bhi 'adam' diye hote

piiri mein shauq hausla-farsaa nahin rahaa
vo dil nahin rahaa vo zamaana nahin rahaa