koi shikva koi gila de de — Siraj Alam Zakhmi

toDe baghair sang taraashe na jaaeinge
vo dil hi kyaa jo TuuT ke patthar na ho sake

dil mein tufaan nahin aankh mein sailaab nahin
aise jiine se to behtar thaa ki mar hi jaate

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

itnaa na duur jaao ki jiinaa muhaal ho
yuun bhi na paas aao ki dam hi nikal paDe

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

vo itni shiddaton se sochtaa hai
ki jaise main bhi koi masala huun

har ek baat ko chup-chaap kyuun sunaa jaae
kabhi to hausla kar ke nahin kahaa jaae

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

khudaa kare ki vahi baat us ke dil mein ho
jo baat kahne ki himmat juTaa rahaa huun main

aziiz gar thaa ta'alluq to kis liye toDaa
jab ikhtilaaf kiyaa to mufaahamat kaisi

khush hote hain ham log agar koi hasina
is umr ham par koi tohmat hi lagaae

ab yaad-e-raftagaan ki bhi himmat nahin rahi
yaaron ne kitni duur basaai hain bastiyaan