chalo yuun hi sahi ham bevafaa hain — Shahbaz Nadeem Ziai

ik ghalat-fahmi ne dil kaa aaina dhundlaa diyaa
ik ghalat-fahmi se barson ki shanaasaai gai

umr bhar us ne bevafaai ki
umr se bhi vo baa-vafaa na rahaa

dekh saktaa huun binaa chashme ke main
dost teri bevafaai saaf saaf

har dil-fareb chiiz nazar kaa ghubaar hai
aankhein hasin hon to khizaan bhi bahaar hai

de kar fareb mujh ko gayaa thaa vo shokh-tan
khaa kar fareb lauTaa to siine se lag gayaa

kuchh din ke baa'd us se judaa ho gae 'munir'
us bevafaa se apni tabiat nahin mili

jaan kar us but kaa ghar kaaba ko sajda kar liyaa
ai barahman mujh ko baitullaah ne dhokaa diyaa