vahaan iid kyaa vahaan diid kyaa — Shariq Kaifi

kis tarah aae hain is pahli mulaaqaat talak
aur mukammal hai judaa hone ki tayyaari bhi

rukaa mahfil mein itni der tak main
ujaalon kaa buDhaapaa dekh aayaa

vo basti naa-khudaaon ki thi lekin
mile kuchh Dubne vaale vahaan bhi

jaise ye mez miTTi kaa haathi ye phuul
ek kone mein ham bhi hain rakkhe hue

manzilon par ham milein ye tai huaa
vaapsi mein saath pakkaa kar liyaa

kam se kam duniyaa se itnaa miraa rishta ho jaae
koi meraa bhi buraa chaahne vaalaa ho jaae

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

charaag chaand shafaq shaam phuul jhiil sabaa
churaain sab ne hi kuchh kuchh shabaahatein teri