aisaa kuchh gardish-e-dauraan ne rakhaa hai masruf — Siddiq Shahid

mujh se kahti hain vo udaas aanhkein
zindagi bhar ki sab thakan yaan hai

— Siddiq Shahid

khvaab TuuTe paDe hain sab mere
main huun aur hairaton kaa saamaan hai

— Siddiq Shahid

us ke jaane pe ye ehsaas huaa hai 'shaahid'
vo jazira thaa miraa dukh se bhare paani mein

— Siddiq Shahid

nikal aae jo ham ghar se to sau raste nikal aae
abas thaa sochnaa ghar mein koi ghaibi ishaara ho

— Siddiq Shahid

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

— Siddiq Shahid

kuchh aaise daur bhi taaham giraft mein aae
ki ye zamin rahi baaqi na aasamaan hi rahaa

— Siddiq Shahid

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar