bajaa hai khvaab-navardi pa khvaab aaise hon — Siddiq Shahid

aisaa kuchh gardish-e-dauraan ne rakhaa hai masruf
maajare ho na sake ham se qalam-band apne

mujh se kahti hain vo udaas aanhkein
zindagi bhar ki sab thakan yaan hai

khvaab TuuTe paDe hain sab mere
main huun aur hairaton kaa saamaan hai

us ke jaane pe ye ehsaas huaa hai 'shaahid'
vo jazira thaa miraa dukh se bhare paani mein

nikal aae jo ham ghar se to sau raste nikal aae
abas thaa sochnaa ghar mein koi ghaibi ishaara ho

kuchh aaise daur bhi taaham giraft mein aae
ki ye zamin rahi baaqi na aasamaan hi rahaa

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

muddat ke baad khvaab mein aayaa thaa meraa baap
aur us ne mujh se itnaa kahaa khush rahaa karo

koi baat khvaab-o-khayaal ki jo karo to vaqt kaTegaa ab
hamein mausamon ke mizaaj par koi e'tibaar kahaan rahaa

par katar paai jab na khvaabon ke
band hi kar diin khiDkiyaan main ne

bikhar ke ret hue hain vo khvaab dekhe hain
miri nigaah ne kitne saraab dekhe hain