mujh se kahti hain vo udaas aanhkein — Siddiq Shahid

aisaa kuchh gardish-e-dauraan ne rakhaa hai masruf
maajare ho na sake ham se qalam-band apne

khvaab TuuTe paDe hain sab mere
main huun aur hairaton kaa saamaan hai

us ke jaane pe ye ehsaas huaa hai 'shaahid'
vo jazira thaa miraa dukh se bhare paani mein

nikal aae jo ham ghar se to sau raste nikal aae
abas thaa sochnaa ghar mein koi ghaibi ishaara ho

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

kuchh aaise daur bhi taaham giraft mein aae
ki ye zamin rahi baaqi na aasamaan hi rahaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

pursish-e-haal se gham aur na baDh jaae kahin
ham ne is Dar se kabhi haal na puchhaa apnaa

mujhe khabar hai use aisaa dard hai 'zaahid'
jise davaa nahin rishvat sukun deti hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair