chaae ke talkh ghunT se uThtaa huaa ghubaar — Sidra Sahar Imran

mujh ko to khair khaana-badoshi hi raas thi
tere liye makaan banaanaa paDaa mujhe

is nae saal ke svaagat ke liye pahle se
ham ne poshaak udaasi ki silaa ke rakh li

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ye na thi hamaari qismat ki visaal-e-yaar hotaa
agar aur jiite rahte yahi intizaar hotaa

hai khushi intizaar ki har dam
main ye kyuun puchhun kab mileinge aap

muddat hui palak se palak aashnaa nahin
kyaa is se ab ziyaada kare intizaar chashm

muntazir sab mire zavaal ke hain
mere ahbaab bhi kamaal ke hain