pahaaD jaise dinon ko to kaaT luun lekin — Sohail Akhtar

zindagi jis ne talkh ki meri
vo mujhe zindagi se pyaaraa hai

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shaam hi se baras rahi hai raat
rang apne sambhaal kar rakhnaa

aaj aankhon mein koi raat gae aaegaa
aaj ki raat ye darvaaza khulaa rahne de

dekhi thi ek raat tiri zulf khvaab mein
phir jab talak jiyaa main pareshaan hi rahaa