koi kamre mein aag taaptaa ho — Tahzeeb Hafi

main jis ke saath kai din guzaar aayaa huun
vo mere saath basar raat kyuun nahin kartaa

teraa chup rahnaa mire zehn mein kyaa baiTh gayaa
itni aavaazein tujhe diin ki galaa baiTh gayaa

apni masti mein bahtaa dariyaa huun
main kinaara bhi huun bhanvar bhi huun

daastaan huun main ik tavil magar
tu jo sun le to mukhtasar bhi huun

vo jis ki chhaanv mein pachchis saal guzre hain
vo peD mujh se koi baat kyuun nahin kartaa

sahraa se ho ke baagh mein aayaa huun sair ko
haathon mein phuul hain mire paanv mein ret hai

pyaaso raho na dasht mein baarish ke muntazir
maaro zamin pe paanv ki paani nikal paDe

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

chaand ne taan li hai chaadar-e-abr
ab vo kapDe badal rahi hogi

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

sabza o gul kahaan se aae hain
abr kyaa chiiz hai havaa kyaa hai

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai