yuun barasti hain tasavvur mein puraani yaadein — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

mere khvaabon ke jharokon ko sajaate rahiye
na sahi vasl magar yaad to aate rahiye

us ne mujh ko yaad farmaayaa yaqinan
jism mein aayaa huaa hai zalzala saa

jabhi to umr se apni ziyaada lagtaa huun
baDaa hai mujh se kai saal tajraba meraa

dil se ik yaad bhulaa di gai hai
kisi ghaflat ki sazaa di gai hai

DhunDoge agar mulkon mulkon milne ke nahin naayaab hain ham
jo yaad na aae bhuul ke phir ai ham-nafaso vo khvaab hain ham

yaad karnaa har ghaDi tujh yaar kaa
hai vazifa mujh dil-e-bimaar kaa