shab-e-gham kaa miraa ik saath qissa mukhtasar honaa — Taish Marharvi

nigaahein milte hi yuun kaam kar jaanaa mohabbat kaa
na un ko kuchh khabar honaa na mujh ko kuchh khabar honaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

hain ye jazbaat mire dard bhare dil ke figaar
lafz ban ban ke jo ashaar tak aa pahunche hain

tire gham ke saamne kuchh gham-e-do-jahaan nahin hai
hai jahaan tiraa tasavvur vahaan in-o-aan nahin hai