makaan to khair bante rah gae hain — Tanzila Afzal

main ne ye soch ki nimTaa liye apne jhagDe
aur uljheinge agar aa gae suljhaane log

— Tanzila Afzal

jab jahaan chaahoge fursat se mileinge tum ko
log naayaab nahin hote hain Thukraae hue

— Tanzila Afzal

jis ki auqaat dekhni ho mujhe
us ko thoDaa saa bhaao deti huun

— Tanzila Afzal

vo kabhi dhoka nahin khaaegaa
bevafaa banda-shanaas aaj bhi hai

— Tanzila Afzal

lab hain ehsaas-e-kamtari kaa shikaar
us ko darkaar hain miri aankhein

— Tanzila Afzal

kis tarah ghair se main der kaa shikva karti
meri mahfil mein mire log nahin aae hue

— Tanzila Afzal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir