vo kabhi dhoka nahin khaaegaa — Tanzila Afzal

main ne ye soch ki nimTaa liye apne jhagDe
aur uljheinge agar aa gae suljhaane log

jab jahaan chaahoge fursat se mileinge tum ko
log naayaab nahin hote hain Thukraae hue

jis ki auqaat dekhni ho mujhe
us ko thoDaa saa bhaao deti huun

makaan to khair bante rah gae hain
hamaare paas naqshe rah gae hain

lab hain ehsaas-e-kamtari kaa shikaar
us ko darkaar hain miri aankhein

kis tarah ghair se main der kaa shikva karti
meri mahfil mein mire log nahin aae hue

sab se baDaa fareb hai khud zindagi 'adaa'
is hila-ju ke saath hain ham bhi bahaana-saaz

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

maujud mere dil mein jo zakhmon ke daagh hain
vo ek bevafaa ke sitam ke charaagh hain

zakhm bhi ab hasin lagte hain
tere haathon fareb khaane par

baDe vasuq se duniyaa fareb deti rahi
baDe khulus se ham e'tibaar karte rahe

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di