sukut-e-‘asr mein gunji hui azaan huun main — Tasneem Abidi

sab chale jaaeinge ik be-naam manzil ki taraf
ghar ki takhti ki jagah katbe lage rah jaaeinge

— Tasneem Abidi

is baar huaa kun kaa asar aur tarah kaa
is baar hai imkaan-e-bashar aur tarah kaa

— Tasneem Abidi

ik azaan aur namaaz kaa vaqfa
zindagi kitni mukhtasar paai

— Tasneem Abidi

jhiil mein bas ek kankar pheink kar
daaere ki guunj main sunti rahi

— Tasneem Abidi

hai tamaashe kaa ikhtitaam yahi
jab tamaashaa bane tamaashaai

— Tasneem Abidi

hamaare she'r naghme aur sajde
adaa jo ho na paae kyaa hue vo

— Tasneem Abidi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

yuun ruuTh ke jaane pe main khaamosh huun lekin
ye baat mire dil ko gavaaraa to nahin hai

— Mahesh Chandra Naqsh

tumhaari yaad bhi chupke se aa ke baiTh gai
ghazal jo 'mir' ki ik gungunaa rahaa thaa main

— Mohsin Aftab Kelapuri

main agar chup huun ye bahtaa huaa dariyaa kyaa hai
lab-kushaa huun to miri baat se pahle kyaa thaa

— Mushaf Iqbal Tausifi

ham karein baat dalilon se to rad hoti hai
us ke honTon ki khamoshi bhi sanad hoti hai

— Muzaffar Warsi