ik azaan aur namaaz kaa vaqfa — Tasneem Abidi

sab chale jaaeinge ik be-naam manzil ki taraf
ghar ki takhti ki jagah katbe lage rah jaaeinge

is baar huaa kun kaa asar aur tarah kaa
is baar hai imkaan-e-bashar aur tarah kaa

jhiil mein bas ek kankar pheink kar
daaere ki guunj main sunti rahi

hai tamaashe kaa ikhtitaam yahi
jab tamaashaa bane tamaashaai

jangon mein thi main maal-e-ghanimat ke taur pe
mere liye kabhi mujhe baanTaa nahin gayaa

hamaare she'r naghme aur sajde
adaa jo ho na paae kyaa hue vo

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

khizar bhi aap par aashiq hue hain
qazaa aai hayaat-e-jaavidaan ki

guzarti hai maze se vaaizon ki zindagi ab to
sahaaraa ho gayaa hai diin duniyaa-daar logon kaa

kar murattab kuchh nae andaaz se apnaa bayaan
marne vaale zindagi chaahe to afsaane mein aa