hamaare she'r naghme aur sajde — Tasneem Abidi

jangon mein thi main maal-e-ghanimat ke taur pe
mere liye kabhi mujhe baanTaa nahin gayaa

koi kyaa bataae ki ziist mein na kashish rahi na mazaa rahaa
jo guzar gayaa vo shabaab thaa jo bikhar gayaa vo jamaal thaa

jhiil mein bas ek kankar pheink kar
daaere ki guunj main sunti rahi

sab chale jaaeinge ik be-naam manzil ki taraf
ghar ki takhti ki jagah katbe lage rah jaaeinge

is baar huaa kun kaa asar aur tarah kaa
is baar hai imkaan-e-bashar aur tarah kaa

hai tamaashe kaa ikhtitaam yahi
jab tamaashaa bane tamaashaai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

specialist pain-killer de to kaun saa?
''saare jahaan kaa dard hamaare jigar mein hai''

ham kis ko dikhaate shab-e-furqat ki udaasi
sab khvaab mein the raat ko bedaar hamin the

shafaq huun suraj huun raushni huun
salib-e-gham par ubhar rahaa huun