rashk suun tujh labaan ki surkhi par — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

yaad karnaa har ghaDi tujh yaar kaa
hai vazifa mujh dil-e-bimaar kaa

jise ishq kaa tiir kaari lage
use zindagi kyuun na bhaari lage