chaahtaa hai is jahaan mein gar bahisht — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

rashk suun tujh labaan ki surkhi par
jigar-e-laala daagh daagh huaa

yaad karnaa har ghaDi tujh yaar kaa
hai vazifa mujh dil-e-bimaar kaa

jise ishq kaa tiir kaari lage
use zindagi kyuun na bhaari lage

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

bas ek pal ki tamannaa-e-vasl ki khaatir
tamaam 'umr lagaa di gai sanvarne mein