raah-e-mazmun-e-taaza band nahin — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

rashk suun tujh labaan ki surkhi par
jigar-e-laala daagh daagh huaa

yaad karnaa har ghaDi tujh yaar kaa
hai vazifa mujh dil-e-bimaar kaa

jise ishq kaa tiir kaari lage
use zindagi kyuun na bhaari lage

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

ghar mein bechaini ho to agle safar ki sochnaa
phir safar naakaam ho jaae to ghar ki sochnaa

ham raahi iklaute the aur vaqt ki piiTh pe baiThe the
din nikle tak manzil paa li shaam talak rukh moD liyaa