aaj bhi zakhm hi khilte hain sar-e-shaakh-e-nihaal — Yaqoob Yawar

agar vo aaj raat hadd-e-iltifaat toD de
kabhi phir us se pyaar kaa khayaal bhi na aaegaa

shahr-e-sukhan ajiib ho gayaa hai
naaqid yahaan adiib ho gayaa hai

pahaaD jaisi azmaton kaa daakhila thaa shahr mein
ki log aagahi kaa ishtihaar le ke chal diye

lahu mahkaa to saaraa shahr paagal ho gayaa hai
main kis saf se uThun kis ke liye khanjar nikaalun

tu laa-makaan mein rahe aur main makaan mein asiir
ye kyaa ki mujh pe itaaat tiri haraam hui

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

dil se rukhsat hui koi khvaahish
girya kuchh be-sabab nahin aataa

mujh se bichhaD ke tu bhi to roegaa umr bhar
ye soch le ki main bhi tiri khvaahishon mein huun

marte marte dekhne ki aarzu rah jaaegi
vaae naakaami ki us kaafir kaa khanjar tez hai

ab dil ki tamannaa hai to ai kaash yahi ho
aansu ki jagah aankh se hasrat nikal aae