kashmakash dil mein hai ye barson se — Yusuf Ravish

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki haalat se khabar deti hai
'asar' aashufta-bayaani meri

surat chhupaaiye kisi surat-parast se
ham dil mein naqsh aap ki tasvir kar chuke

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

dil ko har lamha bachaate rahe jazbaat se ham
itne majbur rahe hain kabhi haalaat se ham