vo habib ho ki rahbar vo raqib ho ki rahzan — Anwar Moazzam

hamein baada-kash-e-dard-e-tamannaa
hamin par band hai mai-khaana dil kaa

sab dikhaate hain tiraa aks miri aankhon mein
ham zamaane ko isi taur se mahbub hue

kaun royaa pas-e-divaar-e-chaman aakhir-e-shab
kyuun sabaa lauT gai raahguzar se puchho

aankhon mein ghul na jaaein kahin zulmaton ke rang
jis samt raushni hai udhar dekhte raho

aao dekhein ahl-e-vafaa ki hoti hai tauqir kahaan
kis mahfil kaa naam hai maqtal khinchti hai shamshir kahaan

dilon ki aag baDhaao ki log kahte hain
charaagh-e-husn se raushan jahaan nahin hotaa

jab ki pahlu se yaar uThtaa hai
dard be-ikhtiyaar uThtaa hai

ab mujh ko rukhsat honaa hai ab meraa haar-singhaar karo
kyuun der lagaati ho sakhiyo jaldi se mujhe tayyaar karo

visaal-e-yaar se duunaa huaa ishq
maraz baDhtaa gayaa juun juun davaa ki

kisi se rasm-o-rah-e-dosti to kyaa karte
hamaaraa khud se taaaruf bhi ghaaebaana thaa

jo yaad-e-yaar se guft-o-shunid kar li hai
to goyaa phuul se khushbu kashid kar li hai

kahne ko gham-e-hijr baDaa dushman-e-jaan hai
par dost bhi is dost se behtar nahin miltaa