ham itni raushni mein dekh bhi sakte nahin us ko — Zafar Iqbal

yuun mohabbat se na de meri mohabbat kaa javaab
ye sazaa sakht hai thoDi si riaayat kar de

yuun bhi hotaa hai ki yak dam koi achchhaa lag jaae
baat kuchh bhi na ho aur dil mein tamaashaa lag jaae

kyaa khabar jis kaa yahaan itnaa uDaate hain mazaaq
khud hamein bhi kabhi is rang mein Dhalnaa paD jaae

apni marzi se bhi ham ne kaam kar Daale hain kuchh
lafz ko laDvaa diyaa hai beshtar maani ke saath

haath pair aap hi main maar rahaa huun filhaal
Dubte ko abhi tinke kaa sahaaraa kam hai

raaste hain khule hue saare
phir bhi ye zindagi ruki hui hai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

tumhaari bazm se nikle to ham ne ye sochaa
zamin se chaand talak kitnaa faasla hogaa

koi tashbih kaa khurshid na talmih kaa chaand
sar-e-qirtaas lagaa harf-e-barhana achchhaa

suune kitne baam hue kitne aangan be-nur hue
chaand se chehre yaad aate hain chaand nikalte vaqt bahut

vo shakhs amar hai, jo pivegaa do chaandon ke nuur
us ki aankhein sadaa gulaabi jo dekhe ik laal

chaand tak uD kar pahunchne kaa nahin imkaan jaa
jaa chakori apne ghar vaalon kaa kahnaa maan jaa