vo chaand hai to aks bhi paani mein aaegaa — Iqbal Sajid

suraj huun chamakne kaa bhi haq chaahiye mujh ko
main kohr mein lipTaa huun shafaq chaahiye mujh ko

apni anaa ki aaj bhi taskin ham ne ki
ji bhar ke us ke husn ki tauhin ham ne ki

pyaaso raho na dasht mein baarish ke muntazir
maaro zamin pe paanv ki paani nikal paDe

ab tu darvaaze se apne naam ki takhti utaar
lafz nange ho gae shohrat bhi gaali ho gai

suraj huun zindagi ki ramaq chhoD jaaungaa
main Duub bhi gayaa to shafaq chhoD jaaungaa

baDh gayaa hai is qadar ab surkh-ru hone kaa shauq
log apne khuun se jismon ko tar karne lage

chaand suraj ki tarah tum bhi ho qudrat kaa khel
jaise ho vaise raho bannaa bigaDnaa chhoDo

na chaand kaa na sitaaron na aaftaab kaa hai
savaal ab ke miri jaan tire javaab kaa hai

chaand bikhraa rahaa hai kirnon ko
kaun aataa hai sar ko nihuDaae

tumhaare husn ne har daanv mein use jiitaa
hazaar tarah se ghaT-baDh ke baazi haaraa chaand

duur jitnaa bhi chalaa jaae magar
chaand tujh saa to nahin ho saktaa

ye kis zohra-jabin ki anjuman mein aamad aamad hai
bichhaayaa hai qamar ne chaandni kaa farsh mahfil mein