Aleem Masroor

jaane kya mahfil-e-parvana men dekha us ne
phir zaban khul na saki sham.a jo khamosh hui

uTh ke us bazm se aa jaana kuchh asan na tha
ek divar se nikla huun jo dar se nikla

anjam-e-kashakash hoga kuchh dekhen to tamasha divane
ya khaak uDegi gardun par ya farsh pe taare niklenge

afsana mohabbat ka puura ho to kaise ho
kuchh hai dil-e-qatil tak kuchh hai dil-e-bismil tak

zamane ko duun kya ki daman men mere
faqat chand aansu hain vo bhi kisi ke

nikle tiri mahfil se to saath na tha koi
shayad miri rusva.i kuchh duur chali hogi

afsaana mohabbat kaa puuraa ho to kaise ho
kuchh hai dil-e-qaatil tak kuchh hai dil-e-bismil tak

jaane kyaa mahfil-e-parvaana mein dekhaa us ne
phir zabaan khul na saki shama jo khaamosh hui

zamaane ko duun kyaa ki daaman mein mere
faqat chand aansu hain vo bhi kisi ke

uTh ke us bazm se aa jaanaa kuchh aasaan na thaa
ek divaar se niklaa huun jo dar se niklaa

nikle tiri mahfil se to saath na thaa koi
shaayad miri rusvaai kuchh duur chali hogi

bhiiD ke khauf se phir ghar ki taraf lauT aayaa
ghar se jab shahr mein tanhaai ke Dar se niklaa