bhiiD ke khauf se phir ghar ki taraf lauT aayaa — Aleem Masroor

afsaana mohabbat kaa puuraa ho to kaise ho
kuchh hai dil-e-qaatil tak kuchh hai dil-e-bismil tak

jaane kyaa mahfil-e-parvaana mein dekhaa us ne
phir zabaan khul na saki shama jo khaamosh hui

zamaane ko duun kyaa ki daaman mein mere
faqat chand aansu hain vo bhi kisi ke

uTh ke us bazm se aa jaanaa kuchh aasaan na thaa
ek divaar se niklaa huun jo dar se niklaa

nikle tiri mahfil se to saath na thaa koi
shaayad miri rusvaai kuchh duur chali hogi

anjaam-e-kashaakash hogaa kuchh dekhein to tamaashaa divaane
yaa khaak uDegi gardun par yaa farsh pe taare nikleinge

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kah rahaa thaa main nahin hai dukh kisi bhi baat kaa
aur chhalak ke gir gayaa ik aansu pichhli raat kaa

har taraf apne hi apne haae tanhaai na puchh
kis qadar khalti hai aksar ham ko binaai na puchh

zinda koi kahaan thaa ki sadqa utaartaa
aakhir tamaam shahr hi khaashaak ho gayaa