Azm Bahzad

ajab mahfil hai sab ik dusre par hans rahe hain
ajab tanha.i hai khalvat ki khalvat ro rahi hai

dariya paar utarne vaale ye bhi jaan nahin paa.e
kise kinare par le Duuba paar utar jaane ka gham

saval karne ke hausle se javab dene ke faisle tak
jo vaqfa-e-sabr aa gaya tha usi ki lazzat men aa basa huun

koi asan rifaqat nahin likkhi main ne
qurb ko jab bhi likha jazb-e-raqabat likhkha

kisi sitare se kya shikayat ki raat sab kuchh bujha hua tha
fasurdagi likh rahi thi dil par shikastagi ki na.i kahani

raushni DhunD ke laana koi mushkil to na tha
lekin is dauD men har shakhs ko jalte dekha

dariyaa paar utarne vaale ye bhi jaan nahin paae
kise kinaare par le Duubaa paar utar jaane kaa gham

main tark-e-taalluq par zinda huun so mujrim huun
kaash us ke liye jiitaa apne liye mar jaataa

har tafsil mein jaane vaalaa zehn savaal ki zad par hai
har tashrih ke pichhe hai anjaam se Dar jaane kaa gham

koi aasaan rifaaqat nahin likkhi main ne
qurb ko jab bhi likhaa jazb-e-raqaabat likhkhaa

ai khvaab-e-paziraai tu kyuun miri aankhon mein
andesha-e-duniyaa ki taabir uThaa laayaa

ai ghubaar-e-khvaahish-e-yak-umr apni raah le
is gali mein tujh se pahle ik jahaan maujud hai