Baqaullah 'Baqa'

chhoD kar kucha-e-mai-khana taraf masjid ke
main to divana nahin huun jo chalun hosh ki raah

ulfat men tiri ai but-e-be-mehr-o-mohabbat
aaya hamen ik haath se taali ka bajana

is bazm men puchhe na koi mujh se ki kya huun
jo shisha gire sang pe main us ki sada huun

dekh a.ina jo kahta hai ki allah-re main
us ka main dekhne vaala huun 'baqa' vah-re main

apni marzi to ye hai banda-e-but ho rahiye
aage marzi hai khuda ki so khuda hi jaane

ishq ne mansab likhe jis din miri taqdir men
daagh ki naqadi mili sahra mila jagir men

ishq mein bu hai kibriyaai ki
aashiqi jis ne ki khudaai ki

bulbul se kahaa gul ne kar tark mulaaqaatein
ghunche ne girah baandhin jo gul ne kahin baatein

ishq ne mansab likhe jis din miri taqdir mein
daagh ki naqadi mili sahraa milaa jaagir mein

chhoD kar kucha-e-mai-khaana taraf masjid ke
main to divaana nahin huun jo chalun hosh ki raah

ulfat mein tiri ai but-e-be-mehr-o-mohabbat
aayaa hamein ik haath se taali kaa bajaanaa

kal ke din jo gird mai-khaane ke phirte the kharaab
aaj masjid mein jo dekhaa saahab-e-sajjaada hain