ishq ne mansab likhe jis din miri taqdir mein — Baqaullah 'Baqa'

ishq mein bu hai kibriyaai ki
aashiqi jis ne ki khudaai ki

bulbul se kahaa gul ne kar tark mulaaqaatein
ghunche ne girah baandhin jo gul ne kahin baatein

chhoD kar kucha-e-mai-khaana taraf masjid ke
main to divaana nahin huun jo chalun hosh ki raah

ulfat mein tiri ai but-e-be-mehr-o-mohabbat
aayaa hamein ik haath se taali kaa bajaanaa

is bazm mein puchhe na koi mujh se ki kyaa huun
jo shisha gire sang pe main us ki sadaa huun

kal ke din jo gird mai-khaane ke phirte the kharaab
aaj masjid mein jo dekhaa saahab-e-sajjaada hain

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

muddat hui ik shakhs ne dil toD diyaa thaa
is vaaste apnon se mohabbat nahin karte

mujhe samajhne ki koshish na ki mohabbat ne
ye aur baat zaraa pechdaar main bhi thaa

juun mauj haath maariye kyaa bahr-e-ishq mein
saahil 'nasir' duur hai aur dam nahin rahaa