Chakbast Braj Narayan

ik silsila havas ka hai insan ki zindagi
is ek musht-e-khak ko gham do-jahan ke hain

maza hai ahd-e-javani men sar paTakne ka
lahu men phir ye ravani rahe rahe na rahe

naya bismil huun main vaqif nahin rasm-e-shahadat se
bata de tu hi ai zalim taDapne ki ada kya hai

khuda ne ilm bakhsha hai adab ahbab karte hain
yahi daulat hai meri aur yahi jah-o-hasham mera

ek saghar bhi inayat na hua yaad rahe
saqiya jaate hain mahfil tiri abad rahe

agar dard-e-mohabbat se na insan ashna hota
na kuchh marne ka gham hota na jiine ka maza hota

kiyaa hai faash parda kufr-o-din kaa is qadar main ne
ki dushman hai barhaman aur adu shaikh-e-haram meraa

vatan ki khaak se mar kar bhi ham ko uns baaqi hai
mazaa daamaan-e-maadar kaa hai is miTTi ke daaman mein

zindagi kyaa hai anaasir mein zuhur-e-tartib
maut kyaa hai inhin ajzaa kaa pareshaan honaa

agar dard-e-mohabbat se na insaan aashnaa hotaa
na kuchh marne kaa gham hotaa na jiine kaa mazaa hotaa

adab taalim kaa jauhar hai zevar hai javaani kaa
vahi shaagird hain jo khidmat-e-ustaad karte hain

hai miraa zabt-e-junun josh-e-junun se baDh kar
nang hai mere liye chaak-e-garebaan honaa