Hasrat Azimabadi

zahida kis husn-e-gandum-e-gun pe hai teri nigah
aaj tu meri nazar men guna-e-adam laga

zulf-e-kalmunhi ko pyare itna bhi sar mat chaDha
be-mahaba munh pe tere paanv karti hai daraz

khelen aapas men pari-chehra jahan zulfen khol
kaun puchhe hai vahan hal-e-pareshan mera

makhuz hoge shaikh-e-riya-kar roz-e-hashr
paDhte ho tum azaab ki ayat be-tarah

mohabbat ek tarah ki niri samajat hai
main chhoDun huun tiri ab justuju hua so hua

rahe hai naqsh mere chashm-o-dil par yuun tiri surat
musavvir ki nazar men jis tarah tasvir phirti hai

mai-kashi mein rakhte hain ham mashrab-e-durd-e-sharaab
jaam-e-mai chaltaa jahaan dekhaa vahaan par jam gae

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

ham na jaanein kis taraf kaaba hai aur kidhar hai dair
ek rahti hai yahi us dar pe jaane ki khabar

zaahidaa kis husn-e-gandum-e-gun pe hai teri nigaah
aaj tu meri nazar mein guna-e-aadam lagaa

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

bhar ke nazar yaar na dekhaa kabhi
jab gayaa aankh hi bhar kar gayaa