mai-kashi mein rakhte hain ham mashrab-e-durd-e-sharaab — Hasrat Azimabadi

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

ham na jaanein kis taraf kaaba hai aur kidhar hai dair
ek rahti hai yahi us dar pe jaane ki khabar

zaahidaa kis husn-e-gandum-e-gun pe hai teri nigaah
aaj tu meri nazar mein guna-e-aadam lagaa

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

rahe hai naqsh mere chashm-o-dil par yuun tiri surat
musavvir ki nazar mein jis tarah tasvir phirti hai

bhar ke nazar yaar na dekhaa kabhi
jab gayaa aankh hi bhar kar gayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

vo aae jaataa hai kab se par aa nahin jaataa
vahi sadaa-e-qadam kaa hai silsila ki jo thaa

hai ye pur-dard daastaan 'mahrum'
kyaa sunaaein kisi ko haal apnaa

yahaan tak kar liyaa masruf khud ko
akeli ho gai tanhaai meri