bhar ke nazar yaar na dekhaa kabhi — Hasrat Azimabadi

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

ham na jaanein kis taraf kaaba hai aur kidhar hai dair
ek rahti hai yahi us dar pe jaane ki khabar

zaahidaa kis husn-e-gandum-e-gun pe hai teri nigaah
aaj tu meri nazar mein guna-e-aadam lagaa

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

rahe hai naqsh mere chashm-o-dil par yuun tiri surat
musavvir ki nazar mein jis tarah tasvir phirti hai

mai-kashi mein rakhte hain ham mashrab-e-durd-e-sharaab
jaam-e-mai chaltaa jahaan dekhaa vahaan par jam gae

jab ki pahlu se yaar uThtaa hai
dard be-ikhtiyaar uThtaa hai

aisaa na ho ki dosti bhi jaae haath se
ham haath mein gulaab liye sochte rahe

ham 'jaun-eliyaa' ke zamaane mein dosto
'ghaalib' kaa intikhaab liye sochte rahe

sayyaargaan mein 'ajab iztiraab barpaa hai
vo ban-sanvar ke sar-e-baam aa rahe honge

jaane kitne Dubne vaale saahil par bhi Duub gae
pyaare! tufaanon mein rah kar itnaa bhi ghabraanaa kyaa

rahti hai saath saath koi khush-gavaar yaad
tujh se bichhaD ke teri rifaaqat gai nahin