meri nigaah-e-shauq bhi kuchh kam nahin magar — Jigar Moradabadi

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

vo nazron hi nazron mein savaalaat ki duniyaa
vo aankhon hi aankhon mein javaabaat kaa aalam

nigaah-e-shauq ne mahshar mein saaf taaD liyaa
kahaan vo chhupte ki aankhon mein the samaae hue

ham kahin aate hain vaaiz tire bahkaane mein
isi maikhaane ki miTTi isi maikhaane mein

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

aatish-e-ishq vo jahannam hai
jis mein firdaus ke nazaare hain

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

khvaab-gah mein siyaah khushbu thi
ittifaaqan charaagh bhi gul thaa

raat mere fughaan-o-naale se
saari basti na niind bhar soi

lipTaa ke shab-e-vasl vo us shokh kaa kahnaa
kuchh aur havas is se ziyaada to nahin hai