na jaane ruuTh ke baiThaa hai dil kaa chain kahaan — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

hai dil mein karun zikr-e-khudaa but ko biThaa kar
sajda ho kisi kaa to ibaadat ho kisi ki

haal-e-dil us ko sunaa kar hai bahut khush 'kausar'
lekin ab soch zaraa kyaa tiri auqaat rahi

tire visaal ki kab aarzu rahi dil ko
ki ham ne chaahaa tujhe shauq-e-be-sabab ke liye

kuchh naqsh tiri yaad ke baaqi hain abhi tak
dil be-sar-o-saamaan sahi viraan to nahin hai