Mohammad Baqar Shams

bijli gira.i tuur jalaya uDaa.e hosh
itna jalal ik arini ke saval par

muskurahaT lab-e-nazuk pe nigahen nichi
kis se sikha hai ye andaz dil-ara.i ka

khaak ke zarron se uf uf ki sada aati hai
mera afsana-e-gham qissa-e-mazi na hua

lazzat-e-zindagi vo kya jaane
jis ko dard-e-jigar nahin hota

samna jab hua mahshar men to kuchh kah na saka
mujh se dekha na gaya un ka pareshan hona

milte hi aankh us fusun-gar se
dil gaya aur hamen khabar na hui

khauf-e-mahshar na rahaa dil mein jo dekhaa main ne
pusht par mere gunaahon ke hai rahmat us ki

dekhaa jo din ko us ne su-e-charkh-e-be-madaar
sonaa utar gayaa varaq-e-aaftaab kaa

kuchh na puchho daraazi-e-shab-e-hijr
kaT gai 'umr aur sahar na hui

qaabu mein rakkhe ablaq-e-lail-o-nahaar ko
dekhaa na main ne aisaa kisi shahsavaar ko

muskuraahaT lab-e-naazuk pe nigaahein nichi
kis se sikhaa hai ye andaaz dil-aaraai kaa

dekhaa jo main ne naama-e-aa'maal hashr mein
qissa likhaa thaa mere aur un ke shabaab kaa